Félag Rafiðnkennara kynnti sér nánar rafiðnaðarmál í Kína

Félag Rafiðnkennara á Íslandi kom til Beijing í náms og endurmenntunarferð.

10.7.2008

Hópur frá Félagi Rafiðnkennara heimsótti Beijing á dögunum í náms og endurmenntunarferð. Tilgangur ferðarinnar var að kynna sér nánar raftækniþróun og rafiðnaðarmál í Kína.

Fjölmargar stofnanir og fyrirtæki á rafiðnaðarsviði tóku á móti hópnum. Meðal annars var farið yfir tækni til ljósastýringar á díóðum og farið í fyrirtæki sem framleiða auglýsingaskilti með LED díóðum.

Farið var einnig í sérstaka ferð að heimsækja Daxing menntaskólann þar sem sérstakt vináttusamband er á milli hans og Fjölbrautaskólans á Suðurlandi.

Hópurinn leit einnig við í sendiráði Íslands í Beijing þar sem Gunnar Snorri Gunnarsson sendiherra kynnti starfssemi sendiráðsins.