Yfirhershöfðingi NATO á Íslandi
Dagana 19. og 20. júní var James L. Jones yfirhershöfðingi Atlantshafsbandalagsins staddur á Íslandi í boði íslenskra stjórnvalda.
Valgerður Sverrisdóttir utanríkisráðherra fundaði með hershöfðingjanum. Á fundinum var rætt um málefni Atlantshafsbandalagsins, s.s. þróun bandalagsins, þátttöku Íslendinga í alþjóðlegu starfi og stuðning við aðgerðir. Einnig var rætt um stöðu mála í viðræðum Íslands og Bandaríkjanna um varnarsamstarf ríkjanna.
