Sýning á verkum íslenska listmálarans Tolla í Gallerí Kampen

8.11.2006

Sendiherra Íslands, Stefán Skjaldarson, opnaði sýningu á tæplega 40 nýjum málverkum Tolla (Þórláks Morthens) í Gallerí Kampen í Osló laugardaginn 28. október að listamanninum viðstöddum. Opnunin var vel sótt bæði af Íslendingum og Norðmönnum og fór ekki á milli mála að gestir kunnu vel að meta myndræna túlkun Tolla á stórbrotinni íslenskri náttúru. Í Aftenposten var sagt frá sýningunni fyrir opnun og í umfjöllun um sýninguna í Dagsavisen segir Torunn Dahl, sem rekur Galleri Kampen, m.a. að þegar hún hafi skoðað sýningarskrár og bækur með verkum Tolla og hafi hún einkum fallið fyrir litum og stemningu í myndunum.

Að opnun lokinn bauð sendiherra til móttöku í sendiherrabústað.

Sýningin stendur til 19. nóvember.

Opnunartímar Gallerí Kampen:

Þriðjudag til föstudaga 11.00 til 16.00

Laugardaga                              11.00 til 15.00

Sunnudaga                                12.00 til 16.00

Heimilisfang:

Norderhovgt. 30

0654 Oslo