Nyheter och evenemang
Íslenski hesturinn lífseigur
Hnota var orðin 16 ára gömul þegar hún meiddist alvarlega og eigandinn, Marie Lundfeldt, tók þá erfiðu ákvörðun að binda enda á líf hennar. Ákveðið var að gefa Hnotu banvænan skammt af svefnlyfjum úti á túni svo dauðdaginn yrði henni sem “þægilegastur”. Dýralæknir mætti á staðinn og gaf merinni vænan skammt svefnlyfja. Marie strauk Hnotu, kvaddi hana hinstu kveðju og lagði dúk yfir sinn trausta vin. Stuttu síðar kom dýra-sjúkrabíll til að sækja skrokkinn, en þegar að var komið lá einungis dúkurinn í grasinu. Hnota var horfin. Marie dró upp vasaljós og kom auga á Hnotu þar sem hún lá í um 20 metra fjarlægð með uppreist höfuð og horfði á hana!
Uppi varð fótur og fit. Annar dýralæknir var kallaður til og lauk hann verkinu. Fyrri dýralæknirinn fékk skömm í hattinn og bað Marie Lundfeldt afsökunar á þessum mistökum í starfi.
Já, það er ekki ofsögum sagt af lífseiglu íslenska hestsins.
